فتح العين (3)

عايز اخرج برة الذات
واقطف بلح أمهات
أوزان تخبط في معاني
وتقع على راسي أغاني
فأفوق من حلم عجيب

كنت في ميدان الساعة
وفي وداني السماعة
وأسأل ايه يا جماعة
يقولولي دخلنا مجاعة
فالسما مطرت زبيب

وصحيت على خبط شديد
وانا لابس لبس العيد
طلع ساعي البريد
مبروك بقيت عميد
وجبت منى ونجيب

 بصراحة انا اتشتت
ففتحت قناة التت
وعملت حاجة ونمت
سلموا وسلمت
إلى لقاء قريب

ديوان الفتح (3) : طبقات السمع

المسألة بتوسع
والحلول معها
والطبول دقت
يلا نسمعها
الحيطان رقت
شَفِّت الساكن
همسه بان في ادان
طلع لكن
صوته كان مقطوع
ومتقطع
كنت وانا مرفوع
عايز اطلع
رحت طالع برة
القصيدة
دي محاولة فاشلة
وجديدة
من محاولات قول
شعور وقتي
والقصايد دول
عليكي انتي
وانتي مستترة
بكذا طبقة
في غلاف روحي
روحي منطلقة
بسرعة الطيارة
والنملة
نفسي في اشارة
عشان أملا
بئر سيارة
ياما سقى شعرا
أو في همسة وحي
يقول اقرا
فافتح الصفحات