بنتمي للفن
هل الفن بينتميلي؟
كونك شمس
هل ده منعك أن تميلي؟
بكتب شعر
مش لزمني ومش لجيلي
بكتشف العكس
من أوضة جوة فيلي
بلعب كورة
وفي البداية شوطت رجلي
بكتب صورة
فيها شموع بتحترقلي
في كلامي أنوار
بس الليل بعيش في ظلي
حواليا أسوار
وروحي سافرت افتحيلي
بكتب هادي
مش محتاج لقطر فوري
مملكتي بعيد
فمش محتاج لفعل ثوري
هكتب وأعيد
العالم بشكل دوري
وصفات الناس
لحد ما مرة ترتاحيلي
كانت ضيقة
فلقيت الوسع جوة
الناس سيئة
بس لقيت الوحدة قوة
الحرب مقلقة
فحفرت بيني وبينها كوة
مالقيتش سبيل
فوليت وجهي وبنيت سبيلي
مشيت كتير
لحد لما بلغت أسباب
ساعات أطير
وساعات يلقفني سرداب
طالع ونازل
في دنيا ألعاب
يا دنيا جايلك .. وانتي .. تعاليلي!
ليست هناك تعليقات:
إرسال تعليق