لفيت على سريري سبع مرات تاني !
بطلت أفكر في اللي مش وحشاني
تدوب في خيالي أبيات شعر وأغاني
"وهبتسم من سعادتي ولا أحزاني"
أقول الآه يرد عليا قلبي بـلأ
بحاول أنام واقوله يا قلبي قول الحق
مفيش فيك حب ولا حاجة وكل ده وهم
وشلت الهم ليه يومها وبطلت دق ؟!
بحل العقدة وبفكر في لفاتها
منمتش آه وهفضل صاحي ومنامشي
وهثبتها ولما أوصل لإثباتها
هرُد شيطان .. كان وصّاني محلمشي !
ليست هناك تعليقات:
إرسال تعليق