يا أيها السائل
وِقِف السؤال عندي
يا أيها الأدمُع
إمشي على خدي
يا أيها الماسك
إمسك على يدي
يا أيها المسكين
وحدك كما وحدي
طاير يا طير مجروح
تايه وخذله السرب
لكنه ظل ينوح
رغم الرياح بتهب
لكنه ظل يبوح
بكل ما في نفسه
مهما يطير ويروح
كل الطيور ... عكسه
يا رحالة يا مسافر
يا حُب يا جوّال
تبكي لأنك فاكر
ومفيش كلام يتقال
إفرح لأنك عابر
من فوق خيوط الزمن
لو تشكي عدم السكن ..
إخترت ليه الترحال ؟
زعلان لأنك شاعر ..
الشِعر ايه غير زعل ؟
عارف- طريقك واعر ..
لكنه مش مُبتذل
*من يوم ما جيت الكار
مبقتش عارف اسأل
لما اترُك الأشعار
حتماً .. هكون أجمل*
ليست هناك تعليقات:
إرسال تعليق