مارينا 2

ألا هُبّي بصِحنِك نِشرَبِك .. ألا ونهُب إحنا وتِشربينا

ونتبادل في حَل اللُغز ده
ونسرَق مـ الحيارى الأفئدة
ونفضل طول ليالينا كدة

ونسقي من الكاسات فرحة وحُب .. وخدنا إيه فـ ليالينا الحزينة

ألا قد خليتيني أكتِب واقول
وأشيل من عالكِتاف كُل الحُمُول
تعالي بكرة ننزل أي مول ؟ :'D

ونتكلم ويشكينا الكلام .. ونتمشى وتشكينا المدينة

وادينا أهو .. تَننا ماشيين
وفي غفلة تفوت شهور وسنين
ونسمع ثومة تشكي " أروح لمين ؟ "

تعالي معانا يا ثومة ياريت .. هنسمعلك لحد ما تسطلينا

غلبني الشوق معاك حيّرت قلبي
مسوّدهالنا ليه والدنيا بمبي
تعالا مكاني وشوف الدُنيا جنبي

ولو خِلص الكلام مـ الكاس نقول : .. " ألا هُبّي بصِحنِكِ وإسعدينا "

مارينا 1

ألا هُبَّي بصِحنِكِ فاصبِحينا .. وإسقينا السعادة يا مارينا

وخلّيكي كدة , مَتوَقَفيش
وبُكرة نلاقي إسمك عالأفيش
وزي البسمة والصُحبة مفيش

ويلّا إحكيلي أكتر وإبسطيني .. ويلّا إحكيلنا أكتر وابسطينا

وفاكرة الشِعر دوّت أصله أيه ؟
وعارفة أنا كنت بسأل عنّه ليه ؟
خُدي من ورد أشعاري بوكيه

وليكي كلامي كُله المانع ايه .. ويعلم ربي ما بينّا وفينا

وبصيلي أنا , واضحكي في الكادر
بصوّر شمس ؟ أو بصوّر بدر ؟!
كَتَبلي ربي الجَمَال في القَدر

وقَدَّر تبتدي الصُحبة وتِبقى .. ويا رب حَلّي الدُنيا لينا

البيان والتبيين في آيات النفاق والمنافقين .. الجزء الأول

هحاول في التدوينات دي أفضح الوشوش اللي اتلونت وظهرت عالشعب المصري في الفترة الأخيرة وإدعت الوطنية والنزاهة وهي أبعد ما يكون عن المعاني دي .. اللي بيشوفوا مصالحهم فين ويشتغلوا عالأساس ده .. ولا يهمهم شعب ولا غيره .. كل اللي يهمهم الريح في صف مين دلوقتي .. مين القوي اللي لو اتمسحوا فيه يزدادوا قوة .. ومين الضعيف اللي لو إدعوا انهم ضده الناس هتحبهم .. اللي بيغيروا مبادئهم بين يوم وليلة .. اللي مش عارفين إن كل حاجة متسجلة

 http://www.youtube.com/watch?v=nP5_oKPHsLw

.. وقبل التسجيل .. مش عارفين إن ليهم رب شايفهم في كل ثانية .. وشايف ضمايرهم ونواياهم عاملة ازاي .. اللي قبل ما بيقدروا يضحكوا عالناس على الشاشات .. بيقدروا يضحكوا على أنفسهم .. وضمايرهم اللي بقِت مطية للأهواء والأقوياء اللي بيتحاموا فيهم .. ومش هيلاقوا حد يتحاموا فيه في الآخرة ..

قال تعالى : {  إِنَّ الْمُنَافِقِينَ فِي الدَّرْكِ الْأَسْفَلِ مِنَ النَّارِ وَلَنْ تَجِدَ لَهُمْ نَصِيرًا } .. صدق الله العظيم

...

1- توفيق عكاشة

مش محتاج أتكلم عنه كتير ولا أدلل على نفاذه وكذبه وسفاهته .. بس انا ملاحظ إنه رجع يتكلم تاني من بعد 30 يونيو .. والناس بتصدقه عادي .. المشكلة إن الشعب قاعد قدام التليفيزيونات مبيسمعش غير اللي عايزين الشعب يسمعوه .. مبيسمعش غير تسلم الآيادي ومصر ضد الإرهاب وثورة 30 يونيو ونكسة 25 يناير والظباط الشرفاء والجيش المصري العظيم وإضرب يا سيسي .. الإعلام بقى اتجاه واحد .. حتى القنوات اللي كنت في يوم من الأيام بثق فيها بقِت ماشية مع الهوجة ومبتحكمش ضميرها ومبتبصش للصورة الكاملة .. بتبص على جزء وحيد من الصورة .. ومشفناش يعني إعلان لأعداد ضحايا رصاص الجيش والشرطة من ساعِة فض الاعتصام لحد دلوقتي والناس اللي كل شوية بتموت من غير دية دي ؟ .. بنشوف بس البُكاء والتباكي على شهداء الجيش والشرطة وشهداء رفح .. طب هو السلميين اللي بيموتوا بيموتوا بأي ذنب ؟ ومحدش يقنعني إن كل العدد " الكذا ألف " اللي ماتوا دول كانوا مُسلحين ! ولّا دم الظُباط غالي ودم الشباب اخواتنا وولادنا ابن كلب ؟ ..ايه؟ مش من ولادنا ؟ .. آه معلش نسيت .. دول مش من ولادنا يا جماعة دمهم حلال فشخ .. بالمناسبة ..

http://www.almasryalyoum.com/node/2069616

نرجع بقى لتوفيق عُكاشة .. للي من الشعب الغلبان اللي قاعد ياكُل الخرا من التليفيزيون .. وبيحاول يعرف الحقيقة .. إليكُم بعض الفيديوهات.

وقد أوردت بعدها العديد من الأشياء التي تدلل على كلامي، لكني عندما عدت لأسأل نفسي لما لم أكمل مشروعي لفضح أقنعة البؤس التي توالت سقوطها، وجدت أنني لم أحتاج إلى بيان وتبيين بعد أن بان كل شئ، ولم أحتاج كتابة الأجزاء التالية من آيات النفاق والمنافقين، فقد عشناها واقعاً، ولم نزل نعيشها.

جواب (1)

إنتا قَريب ؟

أنا مش شايفَك !

إنتا حَبيب ؟

أنا ليه خايفك ؟!

آبانا اللي في السماوات

اُنظُر .. في هذي الدعوات :

يعني يارب تسيب الشاعر يتحَسّر عالصفر فِخانتُه

إغفرلي عقلي وتَخانتُه

فـ التعبير عـ الصورة الكاملة

وإن عبّرت بقلبي هضيع

وهبيع مـ القافية كام بيت

وإن خَدْت قوافي وترابيع

ممكن فكرتي تهرب سيكا

أيوة هعوّض في المزيكا

لكنّي بتمنى رضاك

تشفي وتعلل مَرضاك

وتنَجّي الماشي بأرضاك

وتوفّق أفكاري ولَحني

وتكمِلّي جمال الصورة

وبإيدَك إنتا تنَجّحني

أنا ولا شاعر ولا أسطورة

أنا ثاير حاير مُتواضع

من صِدر الدُنيا أنا راضِع

برفَعلَك صوتي , أيا واضع

قوانين الفُلك وحساباتُه

ومقَدّر دورُه وثباتُه

ولّي الوَجه لمَن بيباتوا

فوق الكوكب من أمثالي

هَستَكمِل في جوابي التالي

أنا آسف .. طوّلت سؤالي

إلهام

خَلَّصت يا سيدنا الساقي
وفَتَحت جميع أوراقي
وبَعَتّ لفوق أشواقي
لكن ماوصلش جواب
عطشان والعَطَش اتفَشّى
تِقلِت على كتفي القَشّة
ما تجيب من عَندَك رَشّة
وتكسَب فيا ثواب؟

قانون نيوتن الثالث

على قد ثباتك

بيكون الشَد

على قد الفعل

بيكون الرد

على قد البُعد

بيكون الوِد

على قد الشئ

بيكون الضد

جتلي، فأهلا بيك

جتلى , فأهلا بيك

أنا كنت عايزَك نيك

فاكر كلامي ليك ؟

إذا حال ما بينّا النوم

الوضع مأساوي

وإنك تكون ناوي

فمفيش حاجة تساوي

هذى الساعدة اليوم

إكتبلي عنَّك أكتر

كلام موزون مسَطّر

كُسُّم حظر العسكر

أنا عايز اشوفك , إمتا ؟

فاكس كلام عالنت

وبيبقى جافي وزفت

وصحيح , سِبت البِت

اول امبارح , وانتا ؟! D':