طول عمري بقول
"على قد الشئ
بيكون الضد"
وانا طول العُمر بسوق الوِد ارجع فاضي
طول عمري بقول
"فكّر واكتب"
وانا بقعد ساعة على المكتب
علشان كلمة
ومبكتبهاش
طول عمري بقول انا قلبي كبير
أهو من كُبره دخل الإنعاش
طول عُمرك بتلِف قُصادي
وانا بتشقلِب
عُمرنا يخلص
من غير ما نبُص
واشوف عينَك يملاها الحُب
وتشوف عيني
على طرفها دمعة بتتحَجِّب
مش راضية تبان
وبقيت تعبان
أكتر منّك
وانا عايز ارسم
رسمة ولا بتنفع ولا بتفيد
وحياتنا إزاي نملا جرابها من غير تعقيد ؟
وهقوم قبل امّا يقوم وقتي
بقى سايب كُل الوقت ده فات
من غير لَهَفات
وجاي دِلوَقتي ؟
ليست هناك تعليقات:
إرسال تعليق