لو
لو قادر تشيل الهم لوحدك , مكنتش دلقت نصّه عالورقة
لوَّح بإيدك للسما واستنا رد
لولا الأمل , مكنش إستنّى حد
لون الشوربة اختلف , لما لمسته المَرَقة
غا
غَنّي مادام عارف حدود الصدى
غانا هتخسر مننا بإذنُه
غالِب كلماتي هيتوزنوا
غايب ولكن , كلُ شئِ بقضا
ريت
ريتَك معايا , يمكن انتَ الحل
ريتم الحياه .. كُل مدى بيقِل
ريتويت عشان محسش اني وحيد
ريتم الكتابة .. زي ريتم الضِل
مات
مات الولد .. وانا لسّة مستغرب !
"ماتريكس" ينفع في الكلام جداً
ماتقولش حاجة من اللي فوق أبداً
ماتقوم تجيبلي إزازة , عايز اشرب.
لو قادر تشيل الإزازة .. مكنتش دلقت نُص الميّة وانتا بتشرَب .. وضيّعت نُص الكلام التاني .. ومسحت أحزاني اللي كتبتها بدمّي , ونجّيت الورقة وشيلتني همّي ,تاني ..وطلَّعتني بالصخرة رايح جاي .. للا نهاية .. أنا لو من سيزيف* .. أقُص الحكاية من نُص الشريط .. واعمل عبيط .. واكسر كُل توقعات الكهنة والسَحَرة .. واخُض اللي بيقرا ومستني بالعافية .. والخبط اللي متابع معايا القافية .. لو كُنت قادر تشيل الكلام .. مكنتش دلقت نُص الصورة وانتا بتهرب. المهم إن في كل دلقة فيه نص باقي، لم يُسقِه الساقي، وعشان كدة: إشرب.
ليست هناك تعليقات:
إرسال تعليق