ودّعْ هُريرة َ إنَّ الركبَ مرتحلُ .. ورُحلُهم مطرح ماتخانوا واتقتلوا
إلحَق ساندهُم .. العدد محدود
صفّين ديابة ويّا صفّ أسود
وإشهدلنا يا محمد المحمود
حارب معانا انتا شربت الدم .. وحَضنت كُل اللي وقعوا و اتسحلوا
حارب معانا المعركة الأولى
وشِيل معانا الجُثّة مقتولة
الصورة ساعِة الحرب معدولة
إعرف عدوّك لمّا تتقاتلوا .. وإعرف صديقك لمّا تحتاجلُه
حارب معانا المعركة التانية
شوف دم جيكا , وإحفَظُه , وصُمُّه
شوف عين شهيدَك جوّة عين اُمّه
إضرَب وقول الشَعب نور عينَك .. وإقتل هتاف الثورة وإعتَقِلُه
حارب معانا المعركة التالتة
حارب نشاذ الأغبيا بصوتَك
الفكرة مُمكن تكَلِّفَك موتَك
إنتا الوحيد .. اللي رِجلَك ثابتة
ودّع صُحاب الفكرة والذِكرى .. ورُحلُهم مطرح .. ماتخانوا .. واتقتلوا
ليست هناك تعليقات:
إرسال تعليق