"يا قاسي
بُص فـ عنيّا
وشوف إيه
إنكتب فيها" :
(1)
مخبّي السر ليه فـ قلبَك
مادامت لَمَحِتُه فـ عينَك ؟
(2)
وجود السر
لازم مع وجود الروح
وأضمن للسلامة
وللسلام العام
وأمن الدولة !!
أذاكر أولى ,
ولّا أكتب شِعر ؟
(3)
وعفريتي
بعيد عنّي
وصل بيتي
وبيغنّي
لي من برّة :
"زوروني كُل سنة مرّة"
طب اقفل بابي واتهنّى ؟
واقولّ : بيتي مش الجنة
اللي بيدوّر ؟
و..ولّا أفتح وماستنّاش
عشان العُمر مش ببلاش
لا يتهوّر ؟!
(4)
يقولّي اتمنّى أمنية !
ترُد الست قبليها :
"يا قاسي
بُص في عنيّا
وشوف
إيه انكتب فيها"
ليست هناك تعليقات:
إرسال تعليق