علشان الكوكب دوّار
والعُمر يروح ليل ونهار
لازم تستسلم للمنطق
وتعيش نظرية إسحَق
مش بإرادتَك ولا برضاك
وعزوفَك عَن تِلكَ الحلقة
لازم هيشوف الإخفاق
.
كلاكيت تاني
إبدأ غنّي
إبدأ عاني
إفتَح بابَك
إكتب كلمة
كلمة هترسم شَكل كتابَك
.
يادي النيلة
كل ما افكّر اقولّك كلمة
اجي اقولها ومقولهاش!
قولّي ساعدني
سمّع ودني
عايز تسمَع
ولا بلاش ؟
.
وعشان اخلص
وادخل انام
أو أرتاح
هرمي كلام
هات مفتاح
هذا الباب
هَفترض انك مستنيني
وإنك مش هتسب فـ ديني
وإني قصيدة وهتغنيني
آدي قصيدتي ياعمّي
غنّي
وإن غبت شوية اسأل عني
وآدي سيرة , وآدي كتاب
كلمة أخيرة :
أنا كدّاب
ليست هناك تعليقات:
إرسال تعليق