يا أيها القائد

يا أيها القائد بقا

تلحقني في وقت الشقا

تسقي عسل بالمعلقة

من كل حرفٍ بيننا

..

يتجلى قاصداً القلوب

ولكل عقلٍٍ لا يتوب

ولكل ذاهب لا يئوب

والعشق قد تم السنة

..

بسم الذي خلق اللُغة

وتولّى عقلاً ينبُغا

وأتاه صدقا يبلُغا

وأثرنا ذا المجدَ لنا

..

ويادوب تنام أو تستجم

ويادوب تصلي أو تئم

تكتب بفصحى أو تعم

وانتا اللي قلت مش أنا

على بوابة مصر

على بوابة مصر ..

سألت صديق

أيوجد ثم مفتاحاً لأية نصر ؟!

فقال انسى

مدام الثورة مش حاكمة وجوة القصر

فقلتله آه

ولكن ريّسك حافظ كتاب الله

فقال وكمان

بيقتل شعبنا لسة

وأسس دولة الإخوان

على السلطة وعالخسة

وساب مشاكلنا فوق الحصر

ورحت زمان

لباب سوريا

دعيت الله

تقوم الثورة من تاني وتفتح مصر ..

..

   ..على بوابة مصر

سألته وقُلت

هتعمل إيه يا صاحبي إن مُت

فقال الطلقة راح توصلني من قبلك

منا جنبك

ومش هتموت

ولو صابت صمام قلبك

تعيش ارواحنا في الملكوت

وتستنا

صحابك راح يموتوا بيجروا ورا دمك

على الجنة ..

وحتى لو يصيبوا آلاف

يردوا طلقهم بهتاف :

"تعيش الفكرة واحنا نموت .."

..

الكفن

وكل يوم والتاني

ترجع جموع الخلق

شايلين على كتافهم كفن

-

وكل يوم نشهد

نفس المشاهد مَلء

كل البراويز بالعفن

أتاني - بشرطة

    أتاني كمان ,,
    في لحظة حطها المولى
    مكنتش كُنت انا لولا
    أمَر " رحمن "

    أتاني العُمر بسنينه
    من الخالق كتاب مفتوح
    وخيّرني فـ إني أروح
    في كل الكون وتكوينه
    ويتلخص ده كله ف يوم
    ما تصعد روح ..

    أتتني الصرخة يوم الجمع
    وخرقت جمع كل السمع
    لنتجازى بأعمالنا
    ويأتينا ويسألنا
    وراح وقت الندم والدمع

    أتاني حسابي يوم الفصل
    وكلٌ منا عاد للأصل
    ولكن كلّه متسمّر
    وما أخفى وما أظهر
    لرب الفضل ..

    أتاني كتابي يوم الدين
    ويومها مش هينفع مين
    عرفت ساعتها حق الله
    وحسيته في كل صلاه
    وقلت آمين ..

    ..

علشان النبي

ومعايا استثنا

لو كنت نسيت

مع بعض لبسنا

في ولاد التيت

أيامها نعسنا

ونسينا الروح

وكشفنا وقسنا

احاسيس "اللوح" xP

متكلمنيش

هتكلم أنا

والوصل يعيش

من سنة لسنة

متلخبطنيش

وتقولّي غبي !

طيب بشويش

علشان النبي !!

:-D

على هذا النهج أعيش

مش أول مرة استنى

ولا أول مرة اتمنى

ولا أول مرة أعيش

ولا طايل نار ولا جنة

منا عارف اني مفيش ..

أنا شئ مُتَحرّك ثابت

دوراني زي الباقي

أنا وانا بتكلم ساكت

وفـ عطشي دايماً ساقي

وفـ بردي ما بقفل شيش ..

أنا عايش وسط الناس

بدماغي وشكلي وبس

والبسمة الحلوة اياها

واللي انا مش راضي انساها

وكلام شاعر حساس ..

أنا بحزن دايماً آه

لكن فرحتي تستاهل

وبقول في كلام الله

لكن في الآخر جاهل

على هذا النهج .. أعيش !

الرسالة السادسة .. شنداريات

بسم الذي خلق النملة في جُحرها .. وبسط الأرض وبحرها .. لحكمة يعلمها وحده .. وهو الآخر ولا شئ بعده .. أكتب لك وليس هناك مدى .. وها أنا هائم في الدُنا سدى .. لا أرى ولا أسمع .. ولا أهتم ولا أمنع .. ولا انتمي ولا أتبع .. ها أنا أنا وسأذهب كذا .. هائم .. متأمل .. متسول .. متجمل .. لا يعلمني إلاه .. ولا أخشى سواه .. يتجمد لساني ويضيق بالوصف .. كفاكم الله شر البلاء والعصف .. فهو لا شئ !! ولكنه كذلك .. لا أعلم ما يدور في بالِك .. " ما لهذا الفتى قد فقد صوابه .. وغمض خطابه .. وجاءني وقد ضل الطريق " .. اعذرني يا صاحب المُلك العريق .. لا أرتاح إلا هُنا .. وحتى الآن .. لا أعلم من أنا ... ولتكن تلك هي الرسالة السادسة .. ولا زلت حيٌ أرُزق .. فوق اليابسة ...