مش أول مرة استنى
ولا أول مرة اتمنى
ولا أول مرة أعيش
ولا طايل نار ولا جنة
منا عارف اني مفيش ..
أنا شئ مُتَحرّك ثابت
دوراني زي الباقي
أنا وانا بتكلم ساكت
وفـ عطشي دايماً ساقي
وفـ بردي ما بقفل شيش ..
أنا عايش وسط الناس
بدماغي وشكلي وبس
والبسمة الحلوة اياها
واللي انا مش راضي انساها
وكلام شاعر حساس ..
أنا بحزن دايماً آه
لكن فرحتي تستاهل
وبقول في كلام الله
لكن في الآخر جاهل
على هذا النهج .. أعيش !
ليست هناك تعليقات:
إرسال تعليق