أتاني كمان ,,
في لحظة حطها المولى
مكنتش كُنت انا لولا
أمَر " رحمن "
أتاني العُمر بسنينه
من الخالق كتاب مفتوح
وخيّرني فـ إني أروح
في كل الكون وتكوينه
ويتلخص ده كله ف يوم
ما تصعد روح ..
أتتني الصرخة يوم الجمع
وخرقت جمع كل السمع
لنتجازى بأعمالنا
ويأتينا ويسألنا
وراح وقت الندم والدمع
أتاني حسابي يوم الفصل
وكلٌ منا عاد للأصل
ولكن كلّه متسمّر
وما أخفى وما أظهر
لرب الفضل ..
أتاني كتابي يوم الدين
ويومها مش هينفع مين
عرفت ساعتها حق الله
وحسيته في كل صلاه
وقلت آمين ..
..
ليست هناك تعليقات:
إرسال تعليق