مش لاقي حاجة تتقال
ولا ظابط قافية ولا وزن
أفكاري بتضرب في شمال
وقريني كان واخد إذن
قلتله طب إرجع احسنلك
أحسن ما أجيلك واتصرف
واختار البيت اللي يناسبك
وتعالي تاني .. نتعرف
قالّي مش ماشي ومش راجع
أحزانك كترت وانتشرت
جيت احشر بيتي في مواجع
أوزاني اتزنقت واتحشرت
قلتله طب ارجع نتفاهم
من غيرك مش بعرف اكتب
طب حتى شارك أو ساهم
لو وزني طابب متعذب
قالّي أنا هرجع بشراسة
وهجيب العالَم في شوال
لو ضايقك عندي كراسة
مليانة بكلام يتقال
لو يوم يتعسف تفكيرك
راح تصفى بكلمة أو شطر
وهنسمع نفَسك وزفيرك
وحكايتك للدنيا فـ سطر ..
ليست هناك تعليقات:
إرسال تعليق