بالليل وانا قاعد وبنام .. عفريت كان قاعد قام قام
شكله متغيّر .. إيه ده ؟!
زيّه عسكري وبياده
- نفسي اشرب قهوة زيادة –
قالّي هطبق قوانيني .. مـ اليوم , قلتله ياسلام !
قال آه ومتتمشاش
قلتله طب اجبلك شاش ؟
كلّمت حكيم ومجاش
إنتا اتجننت أكيد .. إثبَت , فضَرَبلي تمام !
قالي دي قوانين الدولة
قُلت انزل آخُد جولة
قام قالّي بيتَك أولى
في السجن مفيش تكييف .. قلتله حلوة الأحلام
أحلامك تستعبدني
لو اعارض تُقرُص ودني
ومفيش حد يهددني !
قالّي براحتك فيه طوارئ .. , وقانون وكفاية كلام
قلتله بطّل هنبطّل
لو كان مسطول أنا أسطل
ده كلام متهوّر واهطل
هنزل , مش عايز اشوفك .. واقف في مجالي العام
ليست هناك تعليقات:
إرسال تعليق