الدُنيا نصّابة وانا الطيب
الدُنيا نصّابة يا واد طيّب
وأمنت ليها وهيَّ سفّاحة
ولا شفنا فيها ريحِة الراحة
ولا عشنا فيها لحظة حرّية
من أب مصري وأم مصرية
وكسبت إيه مـ المشي في ترابها
بتشوف ولادها زي أغرابها
وتشيل سلاحها فـ وشك الهادي
بطّل تغنّي بلادي يا بلادي
بَلَدَك أباحت دمّك الطاهر
علشان خرجت يوميها تتعَلّم
حقَك يا ولدي في القلوب ظاهر
لو عاللسان سكّين هَنِتكَلّم
والصوت هيعلى وراح يطول الفضا
دَمّك ده مش هيروح هَدر يا رَضا
حقك هييجي ونصر ربّي قريّب
الدنيا نصّابة .. يا واد يا طيّب
ليست هناك تعليقات:
إرسال تعليق