الدُنيا دوّارة
بتلف بدماغنا
والنفس أمّارة
بالسوء وبالمغنى
والساقي بَلبَعنا
واتشتت المعنى
الدُنيا حَدَفِتنا
والحُب جمّعنا
يا صاحبي ليه بعتني
وأنا يا غالي شاريك
وإزاي بقيت تنافسني
بعد امّا كُنت شَريك
وكُنت تقرا لنجمي
واسمع آيات مشاريك
واقرا معاك متاريك
وأحن ليك أتاريك !
أهل الهوى وسابوه
باقي وراضي كمان ؟
واهل الغرام حسبوه
هيدوم بلَحن كمان
والناس لابسها جنان
والدُنيا سجن ولومان
وملكش غير يا سلام
إلا الكلام يا شومان
الدُنيا حَدَفتنا
سيبناها قلنا هنرجع
ونسينا فين بيتنا
من إمتا ضربِك بيوجع ؟
- يا دُنيا بيتي هناك
- يا شوما بطّل صُداع
- يا دُنيا قلبي هناك
- يا شوما قلبك .. ضاع!
ليست هناك تعليقات:
إرسال تعليق