وندور وندور
على نفس الشكل
طلبنا عدالة
, كرامة وأكل
وتعدّي سنين
والشعب حزين
تنتخبوا مين ؟
انتخبوا الــــ !
ونقول الناس
عندها احساس
خدعونا وطلعوا
يحبوا القَرص !
ده كلام معقول ؟
طب مين مسئول ؟!
ونرد نقول :
انتخبوا الــــ
يهتفوا حرية
وشُهَدا وكيت..
والعسكر حرقوا
ولاد البيت
والشعب برئ
بيصب الزيت
*انا جيت انا جيت*
انتخبوا الــــ
ونقول ماهو هنا
من قبل شهور
ولا عدل الحال
ولا جاب النور
واهو زاد الجور
ونقول إن شفتوا
فـ عينه النور ..
انتخبوا العرص !
انتخبوا الــــ
عشان نرجع
ستين سبعين
تمانين مية !
كما حِتّة كورة
مرمية
بتلَقَّف فينا
الحرامية !
لو مصر هترجع ببيادة
مكانتش اتقتلت ميادة
لو مصر هترجع بلواء
مكانتش اتقتلت أسماء
لو مصر هترجع على إيده
كان أقوى وكان أشطر سيدُه
كان حالنا اتغيّر من سنتين
أو حتى خمسين سنة فاتوا
لو مصر هتيجي بنور العين
طب ليه بتحارِب هتافاتُه ؟
العيش والشعب فـ إيد واحدة !
والحرية فـ سجن كئيب
وكرامة الإنسان موجودة
وإسأل حفلات التعذيب
إبقى رئيس أو حتى أمير
وابني لنفسك عرش كبير
بكرة الثورة هتمشي السكّة
مش هتسيب على وشّك ضحكة
ليست هناك تعليقات:
إرسال تعليق