الأحد 29 يونيو 2014
الساعة 4:07 مساءاً
كنت واقف انا وأحمد بدر في فاعلية كبيرة أوي فيها ألتراس أهلاوي وزملكاوي ( أو ناس لابسة اسود وناس لابسة أبيض ) عند مكان شبه وزارة الخارجية وماسبيرو , وكان فيه حماس , واحد من اللي لابسين ابيض طلع اتكلم ان مرسي كان عدو وكدة بس السيسي مش عدو , بدر قاللي يللا نمشي ياعم ده بيقول السيسي مش عدو قلتله ياعم استنى نسمع الكلام للآخر , بس لقيت نفسي بمشي معاه , مفيش 10 ثواني لقينا كل الناس اللي لابسة اسود ماشية من التجمع الأصلي عند الخارجية ورايحة ناحية ماسبيرو , جرينا عشان نلحقهم , لقينا الناس بتجري اصلا والحماس زاد أوي في ثانية , في الثانية اللي بعدها كنا بنسمع الآلي وكنا بنتخيل هو بيعمل ايه في الصفوف الأولى , قعدنا نجري ونقول الله أكبر الله أكبر وكانت بترج المكان وبتزلزله بطريقة مش طبيعية ! بدر كان سابقني بخطوات ومن كتر ما بنجري وعايز الحقه دخلت في كاردون أمني وخرجت بسرعة وبدر لحقني , بس بدر كمان كان عايز يلحق المسير وانا كنت حاسس ان فيه جاجة بتشدني لورا , لدرجة اني لما مسكت في عمود عشان اطلع لقدام العمود نفسه اتخلع ورجع معايا ورا , بدر ملحقنيش , والتكبيرات استمرت , وكانت دي نهايتي , ونهاية الحلم .
ليست هناك تعليقات:
إرسال تعليق