" هرمي الحمول واحكي .. هرمي الحمول واحكي واقول بصوت عالي
يا ساتر .. ياساتر
قال يا ساتر استر ( استر )
مـ اللي خانوا ( اللي خانوا )
واللي باعوا ( واللي باعوا )
واللي باااانوا "
- محمود الليثي متألقاً في أغنية ( يا ساتر )
- أنا شرير , هعجب بيك في الأول , وبعدين هقرب منك , وانتَ هتلاحظ , وهتعجب بيا , ومع الوقت هتنبهر , وهنقعد مع بعض شوية , وهتحصل حاجة متعجبنيش , وهمشي .
- نهاياتي بقت قريبة أوي , يعني الأول كانت قصصي في الحياة طويلة كدة وتتحكي ونتسامر بيها في مجالس الأحزان , دلوقتي مبلحقش احكي , مفيش حاجة بتحصل , لو فرحت يوم ازعل بعد اليوم ده سنة .
- متزعلوش , مش معنى كدة اني طالب ان حد يقرب تاني او اني ببرر اي حاجة , بس متزعلوش , الناس اللي بحبها عارفة اني بحبها مهما اقنعت نفسها ان ده كان كذب أو حالة عابرة , انا بتبقى نيتي كويسة وبحاول اظبط مشاكل صغيرة فبتتقلب مشاكل كبيرة وتقع على دماغي , ذكائي بيخونّي ساعات , وحتى ثقتي في اللي قدامي بتخونّي , مش المفروض اثق أوي ولا اتوقع ولا اتعشم .. متزعلوش , وانا مش هزعل .
- مشاكلي الداخلية كترت ولازم احلها بعيد عنكم .
- ببقى نفسي اعرف الناس اللي بخذلها دي بتفكر فيا ازاي .. بس مبوصلش .
- بنداري قالي اكتب , قلتله مش عارف اكتب ايه , انا زعلان ومش هعرف افضفض هنا .. مهما كنت بفضفض هنا , البلوجر مش هيستحمل ضعفي وتفاهتي , عايز احكي لحد , ندا برضو ليها نظرة , قالتلي مرة محدش هيحس بمشكلتك غيرك , ولو حكيت ممكن الناس تستصغر الموضوع وتندم انتَ .. هي مقالتش كدة نصاً يعني بس ده كان المعنى .. اه .
- التوقعات دايماً بتبقى غير النتايج .. معروفة .
- في مرة هحكي لنفس الناس دي انا بعمل كدة ليه .. وهقولّهم : { أَلَمْ أَقُلْ إِنَّكَ لَن تَسْتَطِيعَ مَعِيَ صَبْراً } ؟
- " كان مال الحزن بقى ومالي ؟ منك لله ياللي في بالي :) "
- الملحمة :
https://soundcloud.com/minagamal22/rfmyxojic15r
ليه .. ليه ليه ؟
ليه ليه ؟! :(
ليست هناك تعليقات:
إرسال تعليق