لو كَت قصايدنا بنات
كام قلب فيهم مات ؟
مسابوش ولا واحدة بتبهج ؟
فتاخُدنا الدُنيا بعيد
وبنبدع في التعقيد
وبنسأل : ليه يا بنفسج ؟
لو كَت قصايدنا ولاد
كام واحد فيهم بات
روحه اترعشت مـ الفكرة
فاتحامى في الغطا ؟
أنا روحي منقّطة
كل نقطة ليها حد
وانتَ أكبر نقطة فيهم
أو يا سيدي من الكُبار
المهم القعدة جاهزة
يللا نفتح كام حوار
طول الليل نتسلى فيهم
لو كَت قصايدنا سواقي
كام واحد فيهم باقي
يملالي العقل الفاضي
علشان انقل أشواقي
أو يمنع حُكم القاضي
أو أغلب بيه أعدائي
اسقيني ياعم انا راضي
لو حتّى بشَربِة ماءِ
وكمان شعبان أهو وَلَّى
رمضان شهر الحسنات
إكرم يكرمك المولَى
وإدّيني عشر كلمات
نقسمهم عالمقامات
في حساب اللوغاريتمات
وانا يابني شُفت حزانَى
بيغنّوا يوم تَلات
وقصيدتي ليه زنّانة ؟
أسئلة ملهاش إجابات
لو كان الـ كان
في إزازة !
فاكر , هتكفّي
مثلاً ؟
يا قصيدة ملكيش عازة
ملكيش ..
عازة
أثلاً !
ليست هناك تعليقات:
إرسال تعليق