بالليل وانا قاعد بتدفى .. لسعت في دماغي من سهري
أفكار قدامي بتتشقلب
وسمعت الصوت المتسرسب
من جوا دماغي وانا بكتب
وطلعلي عفريت مش ظاهر .. كلمني بصوته قمت اجري
قالّي استرجل ومتجريش !
هقلبلك بوية وورنيش
وادهنلك اسود عالشيش
متسودهاش بس انا اسف .. مبصدق بتأمل قمري
قالّي قمرك ليه مش باين
حالك ليه دايماً مُتَباين
وساعات ظنك بيكون خاين
قلتله لأ يا بيه أنا آسف .. وفدا وطني يخلص عمري
قالّي مالك كدة بتحشش
قالب أبنودي ومتدروش
وشّك جايب مليون وش
قلتله هات حاجتك وتعالى .. باين شكلك عفريت عِشَري !
ليست هناك تعليقات:
إرسال تعليق