لعن الكتابة زمان
لما الهموم كترت
لولا قلم ولسان
لولا خطوط وسعت
ملئِت رحَى الشارع
أو صوّرت صورة
خيالاته في الواقع
ثابتة ومنشورة
أصل الولد شاعر
جواه عذاب وضمير
جواه ردود الفعل
للأثر والتأثير
جواه نظام العقل
ودواير التفكير
تقلب نظام الكون
لولا اللي حكمه حمير
يا أخ ياللي كلامي
مظبوط ومُتردد
على إشاراتك
جايز ومتأكد
انتا اللي قصدي عليه
وانتا اللي هتحدد
ربك بيخلق ليه
أبعاد بتتجدد
الشعر مش جواك
ممكن خروج ودخول
اللفظ ده استناك
لاجلك يكون معقول
معنى لقب "شاعر"
بالوزن والقافية
لو كُنت مش قادر
هتكون وبالعافية!
ذِكراً لرب الأرض
والسما والأكوان
تملا خطوط العرض
والطول بكل زمان
كلماتك اتقالت
حتماً بكُل لسان
لو مُت راح تحيا
دوماً بأخبار "كان"
أنا قُلت فيك أشعار
لمّا الدماغ حكمت
وهيوصلك إشعار
إن البيوت وزنت
وهيوصلك إنذار
ضِمناً بهذا البيت
قد مس قلب النار
طرفاً ببحر الزيت !
..
ليست هناك تعليقات:
إرسال تعليق