وانا قاعد من قبل المغرب .. عفريت في الصالة بيتشقلب !
- مش كنت مخاصمك ليه جيت ؟!
ليك عين تتنطط في البيت !
أنا بكره مهما حبيت !
لكنّي المرة دي هسامحك .. عقلي مش صافي ومش بكتب
- عقلك مش صافي ؟ نصفيه
و نشيل المتّاقِل فيه
و الضرب العاقل نخفيه
في جنانك هتلاقي حياه .. وخياله الساقي المتركب
راح افكر أو أسرح علّي
يشتاق إلهامي المُتَجلّي
وندوب ونلعلع ونعلّي
والعارف في الكِلمة هيعرف .. لو تاهت منه بيتعذب
لو زوّد في التعريض سيكا
أو فكّر إنها أنتيكا
أو بدّل فكرة بمزيكا
وعموماً بركة إنك راجع .. صاحبك ومزاجه المتقلب
بقا لما يفكر بيكسل
ويفكر يشرب ويعسّل
قال إيه مبيعرفش يمثل !
"علمني التمثيل وحياتك" .. * إختَفَى من بعد امّا اتعجّب ! *
ليست هناك تعليقات:
إرسال تعليق