وحلمت إني
يا مصر ويّا
وياكي جوة
زنزانة نيّة
قلتيلي هوّ
الثورة حية ؟
وانا قُلت لأة
الثورة جايّة
دخلوا علينا
عسكر بكاكي
قالولها ياللا
قولي اعترافك
إن احنا روحك
وإن احنا جسمك
ومش احنا اللي
أسباب جروحك
وإنك ندمتي
وإمضي بإسمك
وانا قُلت نكتب
وبدأنا نكدب
يا مصر جوعي
واحنا وراكي
أنا مش شيوعي
ولا إشتراكي
ولا عايز اشوف
بلدي كبير
ولا عايز اسمع
صوت الطير
ولا عايز اسعى
لاجل الخير
ولا عايز ابني
بيوت الفقرا
ولا عايز اسمع
صوت الشعرا
وانا مات حلمي
في عيون العسكر
وانا مش سلمي
انا بحدف طوب
وانا مش همضي
عالمكتوب
ليست هناك تعليقات:
إرسال تعليق