العسكر مسكوا السُلطة
وأسامة راح الجامعة
الإخوان قسموا التورتة
وأسامة جه مـ الجامعة
وبنهتف ضد الشُرطة
والشرطة شايفة وسامعة
البحر , أوله نُقطة
والنور , مصدره شمعة
والدُنيا ميكسبهاش
الوضع يا عم مُخيف
لو كان مبيغلبهاش
لكنه لعيب حرّيف
إحكي عن واحد عاش
بالفكرة وبالتثقيف
والخط المايل باطل
والخط الثوري نضيف
العسكر شدّوا ودانّا
بالقتل وبالتفريق
والإخوان أخدوا الجنّة
وقلوبنا قايدة حريق
أصحابنا بعدُوا عنّا
النصر قريب يا صديق
والعسكر أخدوا ميدانّا
وهنعمل إيه يا رفيق ؟!
تقديري تقوم الحرب
وانا بدرس كام تكتيكة
نثبت في صفوفنا الواحدة
وكلامي ليها وليكا
ونحقق حلم الشُهَدا
يا كريستي وجندي وجيكا
ونثبّت جذر الوردة
لو حتى قطفها جبان
والظُلم فـ يوم هيزول
والثورة ليها أوان
نتجمع وقت الضرب
وهسمّعكُم مزيكا
تُنصُر رفاق الدرب
وتسقط السلاطين
جاية الثورة يا رفيق
تجمعنا في الميادين
ليست هناك تعليقات:
إرسال تعليق