- مش واعي لإيه؟
- للدُنيا الوِحشة انا دُنيتي حلوة وفيها عجاب
- الدُنيا هباب
- الدُنيا ابواب
والشاطر مين يعرف يختار
- شاعر كدّاب
بيتَك في السَما
وتحِب تكون
بطل الملحمة
وتطيّر كُل الناس في سَماك
في كوكَب دُرِّي , إيه اللي رماك ؟
أرَمَاك الهَوا؟!
-الهوا شاطني !
الباب اتلَوَى
حَتَى خَبَطني !
والسقف اتهَد
ومرمطني !
والحبل اتمَد
وشَعبَطني!
- فين المعنى؟!
- المعنى فـ بطني
بيحارب وسط معاني كتير !
واتجمَّعنَا
وانا كُنت جَعان
ولا حدّش منكُم جابلي فطير !
ليست هناك تعليقات:
إرسال تعليق