- يا قصيدة تعالي
احكيلك حاجة
- يا شومان انا مالي
انا مش محتاجة
- الإلهام جالي
والورق اتحط
- وانا كنت غريقة
مش لاقية الشَط
ماتسيبني بريئة
وأسيبلك حالك
أنا كلمة جريئة
ولا تيجي فـ بالك
واعذرني لو
إلهامك جالك
والليل احلَو
طب انتَ .. مالك ؟
- أنا طير في الجو
مش لاقي العِش
والدُنيا حزينة
يملاها الغِش
وانا عايز زينة
على باب الدُنيا
اهو يمكن بيها
يحلَو الشَكل
واللحظة الحلوة
بتعدّي في ثانية
وياريتها بتيجي
غير وقت الأكل !
ليست هناك تعليقات:
إرسال تعليق