الشعر الحلو

الشعر الحلو يكون ,
مجنون
ماتسيبني ياعم أرتاح ,
وأقول ؟
مش برضو ده يبقى نجاح ,
مقبول ؟
من إمتا بجيب مقبول ,
وافشل ؟
ماتسيبني ياعم اقول ,
وارتاح
الشعر الحلو يكون ,
لو باح
انا عارف شاغلك كام ,
سفاح
وانا عارف راسمك كام ,
برجل
وتعالى نقيس السور ,
بالسورة
 كنا بنتعلم عالـ ,
سبورة
ونشوف من بعد النور ,
شبّورة
وزمان الرؤية كانت ,
أسهل
وأديك بوظت الدُنيا ,
يا فالح
وشبعت فـ شرب البحر ,
المالح
وقالولنا هننسى وقالوا ,
نتصالح
كان مين فهّمهم إني ,
أهبل ؟