ليلة امبارح مجاليش نوم
وامبارح النوم مجاليش
أصل مفيش حال بيدوم
فين الحال الباقي ؟ مفيش
أنا النهاردة بحب التوت
بكرة ممكن أحب ياميش
نهتف بكرة رئيسنا يموت
وبعد بكرة رئيسنا يعيش
-وبعد بعده ؟
قميصنا يبوش..
-وبعد بعد..
ناقصنا قروش
نلم الليلة
ونملى القعدة
انا هنا لو عايز
أي مساعدة
وأي مبادئ
حطها قاعدة
ودوس هندوس
- يا عم صبرك
فهّمني أفهم
معايا لي
ناولني مبسم
هرسم واخطط
وهاتلي مَرسم
ألا اسمك ايه ؟
- انا اسمي هيثم
- اخوك محروس
- طب شوف ياخويا
اكتب ياسيدي
هات 5 بوية
وسور حديدي
وفرش رومي
ورُكن بلدي
هاشيل هدومي
وتعالى عندي
هندّي دروس..
- استنى يابني
أنا تُهت تاني
إكمني شارب
ولّا انتا جاي
من بلاد الأجانب
انتا يوناني ؟
طب جاي من..
- روسيا
- اشمعنا روسيا ؟!
- بحب الروس
ليست هناك تعليقات:
إرسال تعليق