فكّر سيكا وهاتلك ورقة
وارمي الورقة مفيش إلهام !
إرسم واكتب أي كلام !
إدخُل واُخرُج مـ الحمّام
لِف الشقة عشان مش فاكر
كُنت هتلعب ولّا تذاكر
إملا الدُرج ورق وتذاكر
كُل طعمية بكُلّ ألاطة
عِد النَمل فـ كُلّ بلاطة
إقلع ملط وكُل شُكَلاتة
سيب شَعرَك والبس باتمان
سيب شِعرَك وكفاية جنان
إنتا مَكَلتش حتى الآن
سِبت الأكل وجيت تِقراني ؟!
عاملينلك أحلى كباب ضاني
بعد ما تاكُل إشرب راني
وإشرَب من كُل الأنهار
واشربني قبل امّا انهار
أول مرة اكتب بِنَهَار
وخلاص هسكُت بَعد كلام
وامّا أخَلّص قول ياسلام !
وامّا تفَكّر هاتلك ورقة
وارمي الورقة , مفيش إلهام !
ليست هناك تعليقات:
إرسال تعليق