طب إيه ؟
مكسلة تقرا ؟
مفتكرش
مكسلة تكتب
في السيرش
كلمة من حرفين
أو تلاتة لو تحبي
تمتد مـ الحرمين
حتى نهر المسسبي
والنتايج لو كتير
فتأكدي
عشق الصبايا سرمدي
والنتايج لو ملل
أنا الأمير المُحتمل
لو زودوا عالأساطير ..
أسطورة
بتبص من جوة الصورة
والعين تطوف
كل البلاد
زي البساط الأحمدي
والنتايج لو تكون
ضرب في ضروب الخيال
أنا صاحب التلات عيون
وانتي الجمال !
فتأكدي
كل الحروف الأبجدي
راح توصفك
من الكعب للقورة
لو زودوا عالأساطير ..
أسطورة !
..
النملة لو تهتدي
أو تعرف فين الأكل
كانت طارت لهناك
ولا كان طالها الشبشب
والحسبة لو تبتدي
موجود معاها الحل
ولا كانت يوم همّاك
ولا كنت انتا هتحسب
..
العشق بذاته ميزة
والبنت يادوب تلميذة
ولا تفقه شئ في الحب
ولا مذهب من الأربعة
هتحبك لما تميل
وتبادر بالتسجيل
وهتكتب ألف قصيدة
تقراها في المطبعة
..
هتكون ويّاك في الحلم
وفـ كل مكان في الكون
وفـ كل كتاب في العلم
وبطول موجات اللون
وبطول السور في الصين
وبحل لغز الهرم
والنصر فـ يوم حطين
والقلب يوم ما اتخرم
والبدر يوم ما اكتمل
والنشوة يوم النصر
والحزن يوم الجمل
والثورة يوم القصر
والشعر يوم ما انكتب
والفكرة يوم التجلّي
يا عالي فوق بالأدب
أطرب هوايا تملي !
..
ليست هناك تعليقات:
إرسال تعليق