يا حازم قمت وانا لسة
بلملم كلمة زنانة
هكمل من هنا القصة ..
وأوعى تظنها خيانة xP :
ثواني نعيده من الأول
ظبطت الوزن بالمللي
بدل منا كنت متزوّل
وبنحلل كلام نيللي !
وضغطي بيعلا في الجامعة
بشوفها مع حرس ثوري
وعاملة فيها مش سامعة
كمثل الأهلي والدوري !
يعلّي الفن درجاتي
وتوطى الدرجة في عمارة
وعشقي حكر عالواطي
أتاري الدُنيا غدّارة !
شوية ليل .. وساعة مزاج
يساوي .. شِعر للتاريخ
نروح ونيجي في الأمواج
ونطلع في الهوى .. مريخ
وجاي تقولي عايز نوم !
ياخي نامت عليك الأرض !!
ماهي كانت صُحبة شوم :-D
وتخضع لقانون الفرض
بفرض السين تساويها
وفرض الصاد تساويني
هتتعلق يومين بيها
وفي النهاية .. هتجيني xP
بفكر ياض يابو زمزم
نقلل في الأدب سنّة
ونترك منه ما يلزم
يعينك ربي ويعينّا
وقوم من النوم جتك نيلة !
تولع قلبي وتشخّر !
ده صعب تلاقي تفعيلة
كهذي .. صاحية متأخر !!
وكل الحب يتلخص
عدد أبياتي وردودك
وكل القلب يترقص
وشكراً لاجل مجهودك
وكل الحق مش موجود
ووطني صبحت بتمناه
وكل الدعوة للمعبود
وكل القدرة .. عند الله
هنام فلعلها راحة
وسر الراحة في الغفلة
سلام يا صديقي .. بصراحة
هعاتبك بكرة عالقفلة !
ليست هناك تعليقات:
إرسال تعليق