يا بدر حاسّك مش أوي
مايل على آخر المدى
وفـ خلسة من كل العدا
وكأن راح تنشّق
عينك تشوف الغرام
وفـ لحظة تلقى العراق
فكرت في الانشقاق
كام مرة لاجل الحق ؟
داير مدارك حولي
شايف تاريخ الزمن
زي الميثاق الدولي ..
وحرب غزة معاً !
عينك تشوف الخريطة
بين كل حرب وثورة
تكتب تاريخ البسيطة ..
لما تعيد الدورة
ذكروك في يوم التمام
في العشق أو في المجون
مثلك كما الحُكام
في العودة للعرجون
عينك تشوف الأحبّة
باصين عليك مـ الكسوف
والدولة المستتبة
هتؤول فـ يوم للخسوف
يا بدر ليه اختفيت
زي اختفاء الرفاق
اوعى تكون نويت ..
فكرت في الانشقاق ..!
ليست هناك تعليقات:
إرسال تعليق