الأخ القائد
وحروبه خطيرة
والأخ العائد
محفوظ السيرة
كلماته قليلة
وأثرها كبير
وهنحكي الليلة
في حكاية البير
كان فيه أرواح
في بلاد ربنا
سايحة على بابه
على خط كتابه
مكتوب القائد
هيشوف اصحابه
ويعيش بالضحكة
وأخوه الرائع
هيلاقي احبابه
ويحب السكة
والسكة طويلة
والناس مسافات
ولا فات وقتنا
ولا مات قلبنا
في بلاد ربنا
كان فيه أرواح
تروي العطشان
تهدي المرتاح
وإن قفل الباب؟
ربنا فتاح
والباب ان كان
صعب الأركان
برضك هنعافر
والباب إن طار
فوق الأقطار
جواه هنسافر
ونشوف الناس
والبير لو فاكر
كان فضة وماس
ماتجيلي هناك
على ريش عباس
وانا اجيلك هنا
عبر الأسلاك
نسهر كلنا
وأغني معاك :
أهو كان يا مكان
كان فيه أرواح
عبر الأزمان
عاشت بالحب
والبير ولا يفنى
ولا يقف المغنى
وإن يوم احتاجنا
نملاه ونصب
ليست هناك تعليقات:
إرسال تعليق