بفقد الثقة في حد لما النقطة السودا اللي في قلبه من ناحيتي تبان ، لما يغلط فيا لحاجة تافهة أو لما يعلن استعداده للخسارة او انه مبقاش فارق معاه بنكلة أو انه “ مكنش هيعبرني اصلا ” … الحاجات دي بتظهر في توقيت المشاكل ، بس فرضا ان احنا رجعنا نتكلم : فالحاجات دي هتفضل موجودة في تاريخ علاقتنا وهتبقى هي المانع الرئيسي ان الأمور ترجع زي الأول ، زي الخيانة ، محدش بيآمن للخاين بعد خيانته اول مرة حتى لو اتعدل ، لإن مفيش ثقة من ناحيته ، مينفعش تكشفله ضهرك وانت واثق انه هيحميك تاني ، كذلك الصحاب اللي كانوا صحاب اوي ، اللي يبيعك مرة يبيعك الف ، واللي يغلط فيك مرة يغلط مليون ، واللي مايقدركش وانتو صحاب ايه اللي هيخليه يقدرك بعد ما بعدتم ؟ كل واحد بيبص للمواضيع من ناحيته هو ومش بيفكر يبص من الناحية التانية ، عنده قناعة انه هو الملاك الطيب اللي بيحب الناس وبيدي لكل واحد مكانته وقدره ، معندوش اوبشن انه يكون غلطان حتى لو هو هو معملش حاجة .. ممكن يكون هو ده نفسه الغلط .. انه ساب صاحبه لما صاحبه اتغير ومحاولش يساعده ، هرب وفضل يرجع لما صاحبه يرجع حلو وجميل ، مش هي دي الصداقة ، الصداقة هي انك تستحمل صاحبك في الحلوة والمرة ، وانتو معملتوش كدة ، انا اسف :).
ليست هناك تعليقات:
إرسال تعليق